Laag

Uf dr Nordsitä underhalb vum Bälmätä und vum Schwarzgrat liit d Alp Gampälä uf 1490 Meter uber Meer. Si isch – wenn mä mit em Säilbähntli Schattdorf-Haldi i d Heechi schticht – vu dr Bärgschtazion üs z Füäss uf ämä täilwiis schtotzigä Wäg z erräichä.

Bsunderhäit

D Alp Gampälä wird im schpätä Lanxi fir 14 Tag vu rund 100 Rinderä gnutzt. Ä niiw erschtelltä Zniiniplatz mit ärä Fiirschtell macht s dä Wanderer megglich, det uf dem rüäwigä Fäld äs bitzäli z ghirmä. Nach ärä züäsätzlichä Schtund Marschiärä chunnt mä uf ä Schilt, wo mä ä ussergweentlich prächtigi Üssicht uf ä Ürnersee und dr Talbodä cha gniässä.

Chääs

Uf dr Alp Gampälä git äs rund ä Tonnä Alpchääs.